Монгол Улсад банкны тогтолцоо үүсэж, бэхэжсэний 100 жилийн ойн хүрээнд Монголбанк, Монголын банкны холбоо, Монголын Финтекийн холбоо, "Тэрбум мод" сан, "Голомт" банк, "М банк" болон "Оптимал энд макс", "Сторпэй" ХХК-иудын хамтаар Сингапур улсад арваннэгдүгээр сарын 6-8-нд зохион байгуулагдаж буй “Финтек фестивал-2024” арга хэмжээнд оролцож байна. 

Фестивалд дэлхийн 150 орны банк, санхүүгийн байгууллагуудын 66 мянга гаруй төлөөлөгчид оролцож, салбарын эрх зүйн зохицуулалт, инновац, технологийг уялдуулж, дэлхийн санхүүгийн экосистемийн ирээдүйг тодорхойлох, хамтын ажиллагааг өргөжүүлэх талаар өргөн хүрээний хэлэлцүүлэг өрнүүлж байна. Энэхүү арга хэмжээг Сингапурын Төв банк 2016 оноос хойш жил бүр зохион байгуулж буй агаад дэлхийн хамгийн том, нөлөө бүхий санхүүгийн технологийн буюу финтек арга хэмжээ юм.