Хөдөлмөр, нийгмийн хамгааллын яам, Азийн хөгжлийн банкны “Цар тахлын үед хариу арга хэмжээ авах нийгмийн хамгаалал-2” төсөл хамтран Сонгинохайрхан дүүрэгт хэрэгжүүлж буй “Төгсөлтийн аргачлалын туршилтын хөтөлбөр”-т нийт 21 хорооны 716 өрхийг хамруулж, үр дүнгээ хуваалцаж, сурсан мэдсэн зүйлээрээ бүтээгдэхүүн үйлдвэрлээд тайлант өдөрлөгийг зохион байгуулж, хөтөлбөрийн санаачлагч, санхүүжүүлэгч, хэрэгжүүлэгч байгууллагуудын төлөөллүүдэд танилцууллаа.

Өдөрлөгийн үеэр дээрх өрхүүдэд бизнес эрхлэх суурь техникийн болон мэргэжлийн ур чадвар олгох сургалтуудыг “Ховор угалз” сургалтын төв, Нэмүү өртөг шингэсэн бүтээгдэхүүн үйлдвэрлэгчдийн холбоо хамтран зохион байгуулж, сурган бэлтгэж, мэргэжлийн ур чадвар эзэмшүүлэн чадамжийн гэрчилгээ олгожээ.

Чадамжийн гэрчилгээ гардсан 716 өрх дараах чиглэлүүдээр бизнес эрхлэхээр сонгосон юм.

1. Хүнсний ногоо тариалах – 82

2. Дугуй засвар, авто засвар – 63

3. Оёдол, бэлэн бүтээгдэхүүн – 263

4. Арьсан урлал, гар урлал – 11

5. Гутал үйлдвэрлэл – 10

6. Хоол, хүнс үйлдвэрлэл – 107

7. Модон эдлэл, сийлбэр мужаан – 52

8. Төмөр хийц үйлдвэрлэл – 50

9. Барилгын засвар үйлдвэрлэл -18

10. Үсчин гоо сайхан – 36

11. Бусад худалдаа үйлчилгээ – 34

Арга хэмжээг Сонгинохайрхан дүүргийн ЗДТГ, Хөдөлмөр, халамжийн үйлчилгээний хэлтэс, дүүргийн Эрэгтэйчүүд, эмэгтэйчүүдийн хөгжлийн төв, "Ховор угалз" сургалтын төв, Нэмүү өртөг шингэсэн бүтээгдэхүүн үйлдвэрлэгчдийн холбоо, дүүргийн Улаан загалмайн хороо тус тус хамтран зохион байгуулжээ.